رساله ج ٦
ـــ حضرتك مندوب توزيع؟! ـــ لأ يافندم…انا جاي من طرف حسين باشا صاحب معرض الحسين للسيارات.. باعتني بعقد العربية اللي نرمين هانم اشترتها امبارح. هز رأسه بإيماءة و هو يفكر باستغراب لما ستشتري نرمين سيارة جديدة و هل ستشتريها دون أن تخبره؟!… و لكنه أضمر شيئا في نفسه. حين وصل معتصم لطابقه قال: ـــ مكتب نرمين هانم في الدور اللي فوق دا علطول.. و السكرتيرة اسمها مروة… ممكن لو ملقيتش مدام نرمين تسيبهولها و هي لما تيجي هتسلمهولها
أومأ الرجل بابتسامة ممتنة: ـــ متشكر جدا يافندم.. أماء معتصم ثم توجه مباشرة الى مكتبه و ألقى حقييته و معها نظارته على سطح المكتب و هو مازال يفكر بفعلة نرمين التي أخفتها عنه. وقف خلف النافذة الزحاجية يراقب الطريق و حين رأى ذلك الرجل يخرج من الشركة أسرع بالاتصال بمروة سكرتيرة نرمين لترد عليه بعد ثواني فيقول لها بنبرة صارمة: ـــ مروة.. حسين صاحب معرض العربيات بعتلي ظرف فيه عقد عربية.. ابعتهولي حالا. ـــ يافندم الظرف جاي باسم مدام نرمين.
ـــ أيوة بعته بالغلط… حصل لبس و كان فاكر ان نرمين اللي اشترت العربية… حالا تنزليلي العقد. ـــ تمام يافندم.. ثواني و هكون عند حضرتك. ـــ نرمين وصلت؟! ـــ لأ لسة يافندم. ـــ تمام متتأخريش. بعد حوالي خمس دقائق كان الظرف على مكتب معتصم و بين يديه، و بمجرد أن خرجت مروة من المكتب قام بفتح الظرف و قرأ العقد ليجد أن اسم المشتري ليس نرمين و إنما كانت لشخص يدعى راغب كما أن الفاتورة الملحقة بالعقد باسم نرمين… إذن نرمين اشترت تلك السيارة الباهظة الثمن لذلك الشخص الغريب… لذلك أخفت عنه ذلك الأمر..
بدأت الشكوك تساوره و نيران الغض*ب تشتعل بص*دره… هل قامت بالتعرف على رجل غيره و هي مازالت في شهور العدة… و الأدهى من ذلك تشتري له سيارة باهظة الثمن من آخر طراز؟! هل جنت هذه أم ماذا؟! نقح عليه عرقه الصعيدي و قام على الفور باستدعاء هشام و أعطاه العقد ليطلع عليه، الأمر الذي أيضا أثار شكوك هشام فقال معتصم بحدة:
ـــ هشام الراجل دا عايز أعرف عنه كل حاجة.. عرفها ازاي و بيشتغل ايه و علاقته ايه بيها بالظبط.. و ازاي قدر يستغلها بالطريقة دي… معاك رقم بطاقته و تليفونه مكتوبين في العقد… في خلال كام ساعة تكون جبتلي الراجل دا بأي طريقة.. عايزك لما توصله تستدرجه لمصنع ستة اكتوبر و اول ما تجيبوه هناك كلمني و هكون عندك في خلال ربع ساعة… تمام؟! اومأ بموافقة: ـــ حاضر يا معتصم… ربنا يقدرني و هحاول اوصله في أسرع وقت.
