رساله ج ٦
ـــ ليه؟!.. ليه؟!.. طاب ليه علقتني بيك لتاني مرة؟!.. ليه ترفعني لسابع سما و في لحظة ترميني لسابع أرض.. ليه؟! أخذت تهذي و تبكي و تردد تلك الكلما*ت و هي تض*رب موضع قلبها و كأنها تعاقبه على نبضه بحبه، الى أن رن هاتفها بالرقم الذي أرسل لها الفيديو، فجففت عينيها و حاولت أن تبقي نبرتها طبيعية لتجيب ببرود: ـــ ألو.. انت مين و عايز ايه مني؟! تفاجئت بصوت أنثوي ناعم لم يبدو غريبا لها لتجيب الأخرى بجدية تامة:
ـــ أنا نرمين مرات معتصم.. حبيت بس أفكرك ان معتصم جوزي و ميقدرش يستغنى عني حتى لو هو بيحبك…أنا سايباه بس يجرب البنوتة الصغيرة اللي متخيل إنها هتعوضه عن الحاجات اللي ناقصاه معايا.. بس في النهاية بيرجعلي و مبيقدرش يعيش كتير بعيد عني. ردت ريم باستهزاء: ـــ و يا ترى هو يعرف انك حطاله كاميرا تصوره في قوضة نومه؟! ابتسمت نرمين بسخرية من ذكائها في الرد لتقول بجدية:
ـــ أنا قصدت أحط الكاميرا دي مخصوص عشان أثبتلك إنه متعلق بيا بعد ما شوفتكم في الحفلة و صورلك خيالك انه ممكن يسيبني و يرجعلك… و طبعاً شيلتها تاني.. تحبي تفتحي الكاميرا بتاعتك و اكلمك فيديو و تشوفيه و هو نايم جنبي بعد ما… قاطعتها ريم سريعا بحدة: ـــ اخرسي انتي واحدة سافلة و منحطة… و اوعي تفتكري اني همو*ت عليه.. انا خرجته من حياتي من اللحظة اللي كدب عليا فيها.. اشبعوا ببعض انتو الاتنين.
أغلقت ريم الخط دون أن تستمع لردها و ص*درها يعلو و يهبط بشدة و قد شعرت بتحطم قلبها الى أشلاء. بصعوبة سيطرت على نوبة الانكسار التي أص*ابتها ثم جففت وجهها من العبرات و انتصبت في جلستها لتحدث نفسها: ـــ ماشي يا معتصم… أنا هعرف ازاي أردلك القلم أضعاف مضاعفة يا أحقر انسان شوفته في حياتي. التقطت الهاتف مرة أخرى ثم قامت بالاتصال على خالد ليرد عليها بعد ثواني: ـــ ألو.. ازيك يا ريم عاملة ايه؟!
ـــ الحمد لله يا حبيبي.. انت اللي عامل ايه؟! ـــ ايه؟!.. انتي قولتي ايه؟! ـــ ايه يا خالد… قولت يا حبيبي.. مسمعتش؟! ـــ لا طبعاً سمعت بس مش مصدق وداني.. يعني.. اول مرة تقوليهالي. ـــ عادي كنت مكسوفة منك شوية. ـــ طاب و دلوقتي؟! ـــ خلاص بقى اتعودت عليك. ـــ لااااا دا احنا لازم نحدد الفرح بقى اصل أنا كدا مش هستحمل الدلع دا. ضحكت ريم بتمثيل ثم قالت: ـــ طاب و الله فكرة… ايه رأيك تيجي بكرة تتفق مع أدهم و نحدد ميعاد الفرح.. يعني نخليه مثلا في خلال اسبوعين قبل الشتا ما يدخل.
