رساله ج ٦
بتمنى اني اكون قدرت ارسم المشهد بالظبط كأنكم شايفينه و كمان نقلت ليكم المشاعر اللي الشخصيات بتحس بيها كأنكم حاسينها و قدرت اخليكم تتفاعلو معاهم بمشاعركم أنا شخصيا عنيا دمعت يا ريت بقى كل اللي حابب الرواية و بيستناها يتفاعل معايا عايز اشوف توقعاتكم للي جاي عايزين تعرفوا ريم هترجع لمعتصم ولا كدا خلصت حكايتهم؟!.. طاب ندى خلاص هتسيب أدهم و كدا خلصت الحكاية؟! طاب حمد هينسى صافية و مش هيرجعلها تاني؟!.. يمكن يتجوز غيرها مثلا؟!
كل اللي اقدر اقوله دلوقتي ان لسة بدري و الحكاية مخلصتش و الرواية لسة هيكون فيها أحداث كتير و شخصيات جديدة و مش عايز أح*رق الأحداث.. هستنى أرائكم و توقعاتكم …. رواية الفصل السادس والثلاثون 36 لم ينتهي حفل الزفاف بعد فبعدما غادر معتصم منكسرا منهزما، انتهت الرقصة لتعود ريم الى مقعدها معتذرة من خالد عن عدم مقدرتها على المزيد من الرقص بسبب ارهاقها طيلة اليوم. بينما استمرت شيرين في الغناء لتغني أغنيتها الثالثة و الأخيرة، فقد اتفق معها معتصم على ثلاث أغاني فقط اختارها بنفسه كتعبير منه عن مشاعره تجاهها..
+ بدأت موسيقى الأغنية تصدح رويدا رويدا، فقامت تيسير بوكز أدهم من ذراعه لتقول له و هي تشير برأسها الى ندى: ـــ قوم ارقص مع مراتك… عوض الرقصة اللي زي الزفت اللي رقصتها معاها يوم فرحكو. +
أخذ يزفر أنفاسه بضيق، فهو لا يريد الاجتماع بها مرة أخرى أيا كانت الأسباب بعدما جرحت كرامته بلا أدنى شعور بالذنب من جانبها، و لكن أمه نظرت له نظرة تحذيرية كناية عن عدم وجود فرصة للرفض، فقال بضيق بالغ: ـــ ماما انتي عارفة اني ماليش في جو الرقص و الكلام الفارغ دا. ناظرته بتغيظ شديد لتقول بسخرية: ـــ يابني هو انا بقولك قوم اشقطلك واحدة ارقص معاها… دا انا بقولك قوم ارقص مع مراتك.. ضحكت روان لتقول:
ـــ يابني دي فرصة كل المتجوزين بيستنوها.. عارف لو مكانتش رجلي وارمة و الله ما كنت سايبة محمود.. + ثم ص*درت منها ضحكة لفتت انتباه ندى التي كانت شاردة في عالم آخر لتنظر لها بتساؤل، فردت عليها بنبرة ذات مغذى: ـــ دا أدهم يا ستي عايز يرقص معاكي. + نظر لها شقيقها بغيظ فقالت تيسير بحماس و هي تدفع أدهم للوقوف: ـــ يلا يلا بسرعة الأغنية بدأت.. + اضطر ان يرضخ لرغبتها حفاظا على المظهر العام أمام الناس، فمد يده لندى التي عانقت كفه بكفها ليذهبا سويا الى ساحة الرقص.
