رساله ج ٥
بعدما هدأ تماما أمسك هاتفه و أتى برقم ريم، ينظر له و نفسه تراوده بأن يتصل بها و يحاول اقناعها مجددا لعله ينجح تلك المرة و لكنه عاد لينهر نفسه و يحدثها: ـــ ايه يا معتصم اتغيرت اوي… كفاية بعترة في كرامتك لحد كدا.. من امتى و انت بتجري ورا حاجة مش ليك.. كفاية عليك الكام ذكرى اللي عيشتهم معاها و سيبها بقى تعيش حياتها زي ما اختارتها و حافظ على شوية الكرامة اللي باقيينلك.
ألقى بالهاتف على سطح المكتب ثم طلب من السكرتيره أن ترسل عامل لتنظيف المكتب و اعادة ترتيبه. حاول أن يستعيد تركيزه قدر المستطاع حتى يتمكن من استئناف أعماله، و في خضم انشغاله دخلت اليه نرمين و جلست قبالته بعدما ألقت عليه التحية. ترك ما بيده من عمل ثم نظر لها بملامح واجمة في انتظار ما سوف تقوله، فحمحمت لتقول بتوتر و هي تفرك كفيها: ـــ معتصم… مش هنرجع لبعض بقى؟! قطب ما بين حاجبيه ناظرا لها باستفهام و كأنه يقول لماذا، فأسرعت ترد موضحة:
ـــ يعني البنت اللي انت طلقتني عشانها اتخطبت لواحد تاني خلاص و الموضو… قاطعها ليسألها بدهشة: ـــ انتي عرفتي منين انها اتخطبت؟! ارتبكت و أخذت تحاول اختلاق كذبة لانقاذ نفسها من ذلك المأذق الى أن قالت و هي تبتلع ريقها بتوتر: ـــ هشام…. هشام قالي… بس أنا اللي ألحيت عليه يعني… مكانش راضي يقولي.. بس انا ذنيت على دماغه لحد ما قالي. أخذ ينظر لها بشك، فقد كانت حالتها مثيرة للشك حقا، و لكنه تجاوز ذلك على أية حال ثم قال بجدية:
ـــ مفيش حاجة هتتغير يا نرمين… خلينا كدا أحسن.. أنا كدا مرتاح أكتر. ـــ بس أنا مش مرتاحة و انا بعيد عنك.. هز كتفيه لأعلى ليقول و هو يزم شفتيه: ـــ دي مشكلتك انتي مش مشكلتي.. و بعدين ما احنا مع بعض علطول في الشركة و مفيش يوم بيعدي منغير ما اشوفك. تنهدت بضيق ثم قالت:
ـــ معتصم اظن انا مش محتاجة اشرحلك اقصد ايه ببعدي عنك.. اقترب برأسه من رأسها ليقول و هو يصوب عينيه لعينيها لعلها تفهم أكثر: ـــ قولتلك مفيش حاجة هتتغير.. و أظن مش محتاج أشرحلك أكتر من كدا. بادلته النظرة بأخرى ساخطة ثم قالت بنبرة مغتاظة: ـــ واضح ان لسة عندك أمل انها ترجعلك. رمقها بنظرة حارقة ليصيح بها بعصبية: ـــ ميخصكيش… و اتفضلي برا.. وقتك خلص. نهضت و هي ترمقه بنظرات متوعدة و لكنه لم يهتم بنظراتها، و بمجرّد أن خرجت و أغلقت الباب من خلفها، دار بكرسيه حول نفسه و هو يضـ,ـرب المكتب بقبضته و يصرخ بعصبية:
