رساله ج ٥
ـــ اااه… لما شوفته مقدرتش أشيل عيني من عليه… كان حلو بشكل يخطف القلب.. في لحظة مقدرتش افتكرله اي حاجة وحشة.. محستش غير انه واحشني و بس.. قلبي كان هيخرج من مكانه.. قلبي بيدق بسرعة اوي يا ندى. هزت ندى رأسها بعدم رضا ثم قالت بعتاب: ـــ و خالد فين من دا كله يا ريم؟! تنهدت بحيرة ثم قالت:
ـــ خالد مكانش معايا ساعة ما شوفته.. أنا اصلا نسيت حاجة اسمها خالد… مفتكرتهوش غير لما أخدني من ايدي و كان عايز يركبني عربيته عشان يشرحلي هو ليه اتجوز الست دي.. بس انا زعقتله و قولتله اني مخطوبة لواحد تاني و سيبته و مشيت. حانت من ندى بسمة ساخرة لتقول: ـــ و طبعاً الكلام دا كان من ورا قلبك! ـــ مكدبش عليكي يا ندى.. انا فعلاً كنت بزعق من ورا قلبي..يعني كان نفسي اسمعه و الاقيله عذر او مبرر.. بس كرامتي مسمحتليش.. حسيت اني ههين كرامتي لو كنت وافقته.
هزت رأسها لتقول بوجوم: ـــ انتي لسة بتحبيه يا ريم. سكتت ريم كناية عن اقرارها بذلك، فاسترسلت ندى بجدية تامة: ـــ طالما لسة بتحبيه يبقى مينفعش تكملي مع خالد..انتي كدا هتظلميه و هتظلمي نفسك معاه. أومأت بتأييد لتقول بجدية: ـــ أنا محستش ان علاقتي بخالد هشة اوي غير لما لقيت كياني اتلغبط لما شوفت معتصم. سكتت ندى تفكر بحيرة و تردد الى أن قالت: ـــ طاب…طاب اديله فرصة تانية و اسمعيه…يمكن يكون فعلا معذور..و جايز أدهم فهمه غلط و بالتالي حكمه عليه كان غلط من وجهة نظره…يعني انتي أكيد هتفهميه أكتر من أدهم.
سكتت ريم لبرهة ثم قالت بشرود: ـــ أنا بفكر في كدا… نفسي اشوفه تاني.. حاسة اني ناقصني حاجة كبيرة أوي من غيره. عادت لتمسد على حجابها و تقول بنبرة حالمة: ـــ يا حبيبتي لو كان فيه خير ليكي ربنا يجعلك نصيب فيه.. بس عشان متوقعيش نفسك في غلط كبير انهي خطوبتك بخالد طالما قلبك متعلق بغيره. هزت رأسها بايجاب ثم نهضت لتقبل ندى من وجنتيها و شكرتها كثيراً و من ثم عادت الى غرفتها و بدلت ملابسها ثم استلقت على الفراش تستعيد لقائها بحبيبها الوسيم.
في ذات التوقيت بمشفى الدكتور رؤف.. استعار آسر سيارة أدهم ليقل مودة الى شقة أبيها الذي استأجرها فور عودته من ألمانيا بعدما باع ما يقرب من ثلاثة أرباع أملاكه لكي يتمكن من اجراء عملية زراعة القلب لابنته الغالية.. فقد قرر الدكتور رؤف بامكانية خروجها الى المنزل مع اتباع أقصى وسائل التعقيم و النظافة لكي تحافظ على جهازها المناعي بعدما تعاطت ما يكفي من مثبطات المناعة لكي لا يرفض جسدها القلب المزروع. ـــ حمد الله على سلامتك يا مودة…هتنوري الشقة الجديدة..
